تـحـلـيـل لـمـبـاره الـيــومـ ...!!

ورحمت الله وبركاته

اهنيكم ع المشاركات والجهود المبذوله في المنتدى ., الى الامااام

حبيت ادردش معكم في المباره اللي اقيمت اليوم وقبل ماندش بالموضوع

اتـــمنــى ان مــا احــد يــزعـــل

حبيت اتكلم عن مباره اليوم وايجابيات بعض اللعيبه وسلبياتهم طبعاا

الاعب ماراح يكون في (الفورمه) دائما لكن خلنا نصصح ونفيد وموانتو بس حتى

انا برضو فيني سلبيااات

1-مشــأري الايجابيات كل ماله يتطور من مباره الى مباره
سلبيات مايطلع في الكرات الثابته وبرضوا الحارس في المرتدات لازم يطلع 2او3 متر منشان (يصك الزاويه ع الاعب) ....(مستواك متطور)

2-سعد الايجابيات وهذا اهم ميزه في سعد يتمركز صح في الصندوق
سلبيات اول سلبيه دائما سعد يجي للمباره وهو ياتوه صاحي من النوم او جايع وبرضو بطى في الحركه والمدافع لازم يكون (حمار )يعني انبراشات بس ماابغى زي اسامه والا وليد عبد ربه ...(مستواك اقل من اول)

فهد الجويعي الايجابيات اول شي لاعب جوكر ولا عب يلعب للفنيله يعني مخلص وهذا الميزه خلته يعلب بأكثر من مكان
الاسلبيات (يكشت )كثير لكن مباره اليوم كاان ممتاز جدا دفاعيا وهجوميا ..(مستواه متطور)

احمد الهزاع الايجابيات بصراحه لاعب خبرررره في التشتيت وفي التغطيه مااقدر اقول الاعيني عليك بارده
السلبيات التوجيه لاعب مدافع ويبغى الكابتنيه ومايوجه هذه اكبر مشكله(مستواه متطور)
فهد الجليفي صرااحه لاعب كل الميزات الحلوه فيه دفاع وهجوووم
السلبيات العصبيه في الملعب ومفروض بمأ ان فيه كأبتن هو اللي يتكلم الوســـــــــــــط

ناصر التريكي لاعب امكانيه الدفاعيه ممتاز جدا جدا والهجوميه مقبوله ولاعب شبه مستواه ثابت
السلبيات مايلعب بدوووون كوووره ..(مستواه ثابت )

عبالله العقيل الايجابيات كثيررره وبصراحه وجوده في المحووور مهم لانه(حـمـأر) وبرضو يضرب راس وبرضو ا يساند هجوميأ
السلبيات تمريراته نصها اخطا ولاعب المحور مفروض يكون رجله حساسه لكن خالي مايمتلكها ...(مستواه متطور)

فيصل السعيد الايجابيات لاعب مهاري ويمتكلك السرعه واهم ميزه مسنداته للدفااااع فعاااله جداااا
السلبيات اول سلبياته متذبذب المستووى يوم يكون خبل ويوم ماينبغى وبرضو تسجيل الاهداف لاعب مايسجل كثير ...(مستواه اقل من اول )بو سامي الايجابيات تقررريبا نفس ايجابيات فيصل
السلبيات بو سامي نفس سلبيات فيصل لكن بو سامي يسجل عكس فيصل (مستواه متذبذب)

نواف الايجابيات لاعب مهاري وذكي في الملعب وتحركات في الملعب فعااااااالعه جدااا يطلب كووره
السلبيات اول شي بمأ انك مهاجم ضرب الراس قليل يسجل بالراس ونجي لاهم ميزه
ضــــــــيأأأأع الـــفرص لان نواف مايسدد صار زي ياااسر يدور الصعب واليوم نواف سجل هدف واضاع 6 فرص وللمعلوميه كل الفرص كانت اسهل من الهدف اللي سجله بكثير بس الميزه في الهدف لانه سدد لان بعض المباريات ماتسنحلك الافرصه او فرصتيه ع كذا نواف يمكن مايسجل ..(انا شخصيا اطالبه اكثر من كذا بكثير لاني اعرف عنده اكبر من المستوى هذا (مستواه اقل من اول )

وهذه السلبيه في جميع اللعيبه عدم اللعب بالقدم اليمنى واليسرى .
اتمنى اني فتكم واهم شي لااحد يزعل ون شا الله الى الامام
طبعا انا ماراح اقيم نفسي
وشكراااااااااا تقبل اول موضوع لي (عاشق كاتلونيا )

كفيييت ووفييت ابوو عزه


عطييت كل وااحد حقه


تقبل مروري

يعطيك العافيه ابو سعوود

تحياتي ..

مشكووووور والله ابو عزه ...
كفيت ووفيت ما خليت شي الصراحه الا غطيته ... ومنك نستفيد يا . . . (( رفييق الدرب ))
تقيل مرووري ... ولحد يسحب على احد بكره في المساااااااااااج
وشكراا ....

مشكوووور ويعطيك الف عافيه

بصراحه موضوع قمه في الروووعه

وانا اتفق معك في كل الكلام اللي قلته عن اللعيبه كلهم

بس ياليت تكتب لنا عن الوحش صح انه ما لعب اليوم بس خله يشوف سلبياته ويصححه وايجابياته ويستمر عليه

وبالنسبه لي انا بصراحه كلامك صحيح يعني مدري وش سالفت ضياع الفرص
بس مثل ما قال ياسر لو ان الحظ رجلآ لقتلته بس ماعليش يا شباب ان شاء الله اقدر اعوضها لكم في المبارايات الجايه

كلمه اخيره : ياليت واحنا نلعب ما يكون في انتقادات يعني ياجلونها لبعد المباراه وانا اول من يسمعها بس ياليت تكون بعد المباراه عشان الاعب يكون في تركيزه اما اذا من الهجمه الاولى ضيع فرصه او حتى الدفاع جاب هدف غلط في بابه او سواا زي نامي مع الاهلي الاماراتي بنجلس نعاتبه في وقت المباراه بيروح تركيزه وبيتشتت في وقتها بس لو كانت بعد المباراه راح يسمعك الاعب انا اتكلم عن اللعيبه كلهم واقرب مثال فيصل اليوم في وقت المباراه كم واحد يقوله انت سئ سئ خلوه يركز وبعد المباراه ناقشه

طبعآ انا اقصد انك تعاتبه وقت المبااره مو توجهه التوجيه شي اساسي في المباره يعني زي الوحش اذا وجه احيانا والا ابو عزه اشياء لابد منها في المباراه ويشكروون عليها


ياليت من عنده كلام عن النقطه اللي قلتها يقولها لنا

سوري ع الاطاله وتقبلو مروري

الله الله الله عندنا اكثر من شنيف الصراحه
وانا اتفق الصراحه مع نواف في ان التوجيهات شي اسااسي بس لو تكو التوجيهات مقسمه على اكثلا من لاعب مثل
االدفااع والمحاور على حده <<<<<<عندي هذي ان شاء الله
والوسط والهجوم على حده <<<<<<<وهذي ان شاء الله عند ابو عزه
والفاولات والركنيات لازم تحديد من يرفع ومن يشوت ومن يطلع في الركنيه من الدفاع والمحاور ...

وانا ان شاء الله عندي مفاجئه الأسبووووع الجاي ترقبوووها

يعطيك العوافي ياابو سعود ...

ثاني شيء يابو سلمان احنا يالخط الدفاعي نتعب ونقطع انفسنا ونأدي صح نبي

من يريحنا ويخطف هدف ويقتلهم , نواف لا يجلس يتفنن ويرقص ويقتل اوم

اعصابك

ويدور الكباريات والكعبات اجل اليوم جايته كوره ع اليمين يرجعها

باليسار

عشان يسحب ويوم شاتها الظاهر الحارس مسكها بيد لازم احد يقرص عليه لان

نواف تعبنا واحنا نوجهه واهوا لازال يمشي على خطى ياسر القحطاني بالعربي

نواف لاعب موب هدآإآإآإآإف

سوري نواف بس والله انت تذبحنا بحركاتك ..,..

عبدالله الهزاع موقف مباراتين من اتحاد السموم >>>>>> ههههههههههه

اوك احترم راي فهد وتركي وانا جاهز اني ماالعب اجي احتياط

وبالنسبه لفهد انه يتعب وراءواللي قدام يتقرجون مع حترامي لك اول مره اسمعها من لاعب يقول احنا نتعب وراء و اللي قدام يتفرجون

يعني اتوقع كل الفريق يتعب واللي ما يبي يتعب يجلس في المدرج
بس ممكن ان الواحد يحاول يبذل مجهود وما يوفق

يعني مثلآ مباراتنا مع احمد اللي فازوا علينا كنا نحاول نسجل هدف واذا سجلنا يجي قول فينا غلط من الدفاع واخر شي الهدف الاخير حقهم وانت تذكره

يعني في كل الاحاول لازم الفريق باكمله يتعب ويحاول

وبالنسبه للعتب يكون بعد المباراه احلى حتى انا راح اسمعك واستفيد منك اما في المبااره لا انا بستفيد ولا انت بتستفيد
بس اعرفك ما تعاتب الا لحبك للفريق

ومثل ما قلت في البدايه اانا جاهز في اي وقت تطلبونه مني اكون احتياط اهم شي مصلحه الفريق قبل كل شي وع فكر كل مبااره تحصلوني موجود معاكم بس انتبهوا ع تي شيرتي

السلام عليكم << جيت متأخر


ماشاء الله ابو عزة عزة هذا اول موضوع لك


انا معك بكل كلامك بس اقترح

انو ينزل ابو خالد مع نواف فـ الهجوم يساعد نواف لانه يكون لوحدهـ يمكن بعض الشبااب قالوا هالكلام حتى انا قلت لك هالكلام بالددسن واحنى راجعين ويلعب بدال ابو خالد بالدفاع الوحش و احمد وسعد وفهد الجليفي

وابو خالد ماشاء الله عليه جوكر وين ما تحطه يبرز ويستلم ويسلم صح ماشاء الله عليه


وعلى فيصل نازل مستواهـ بس اتوقع راح يرجع بسرعه لانو لاعب فنان

وشكرآآ اتمنى اني ما طولت عليكم


والله يا شباب تنافسون الشنيف

بصراحه استمتعت بالردود

انا اقوول ان هذي كبوة جواااد ...

وحيرااجع حساباته وبيحلها ان شاء الله الحصان ..

اما عنك يا كرست : صح ان موقع نواف ممكن ماهو كويس بس ان اخوي عبد الله يلعب مهاجم هذا اكبر غلط برضو ...
ونوااف احسن في الجناح الأيمن

وشكرا ...

اجل اخوك عبدالله وين يعلب
ما دام نواف يلعب جناح ونزل ابو خالد مهاجم قدام نواف

وراح تنتهي المشكله بأذن الله


هذا اقتراح

ياحبيبي يانواف هذاك الخطأ لو تذكره الي ضد الهزاع قبل الهجمه

وشو تراك مضيع مرتده ولعبوا مرمى وانا اخطيت .

وانا اقول نواف جناح احسن .

تقبلوا مروري ..,..